第19章 Day4【徳島県：祖谷の かずら橋】2015-05-03 [值得嚟嘅程度 LEVEL 09/12]
祖谷蔓橋要行其實都幾驚，橋行得嘅位置係由啲木橫條砌成，而啲空隙係幾闊，有一隻腳板位闊，所以行過真係驚驚地，加上啲人一路行過條橋，係一路郁，真係一步一驚心。
自己係一個普通嘅香港打工仔，趁後生三十歲前，自己無咩負擔嘅時候，訂立一個目標去，兩年時間內 (12/2014 - 12/2016) ，分開17次時間，唔識日文情況下，自己一個人遊歷日本47個都道府縣。
☞ http://ao37182.pixnet.net/blog/post/213131848
| 地區 | 值得嚟嘅程度 | 按進入以連結有更多介紹 |
| 関西 | Level 10/12 | 大阪府：難波 / 心斎橋 / 日本橋 |
| 関西 | Level 10/12 | 京都府：宇治川 |
| 関西 | Level 09/12 | 京都府：大原 |
| 関西 | Level 11/12 | 京都府：伏見稲荷 |
| 関西 | Level 10/12 | 京都府：鞍馬山 |
| 関西 | Level 12/12 | 滋賀県：余呉湖 / 琵琶湖 |
| 関西 | Level 11/12 | 京都府：天橋立 |
| 関西 | Level 07/12 | 京都府：伊根の舟屋 |
| 関西 | Level 10/12 | 京都府：嵐山 |
| 中国 | Level 10/12 | 岡山県：岡山後楽園 |
| 中国 | Level 08/12 | 島根県：出雲大社 |
| 中国 | Level 12/12 | 鳥取県：鳥取砂丘 |
| 中国 | Level 10/12 | 山口県：秋芳洞 / 秋吉台 |
| 中国 | Level 12/12 | 広島県：厳島神社 |
| 中国 | Level 09/12 | 山口県：錦帯橋 |
| 四国 | Level 09/12 | 香川県：小豆島 |
| 四国 | Level 10/12 | 高知県：桂浜 |
| 四国 | Level 11/12 | 高知県：四万十川 |
| 四国 | Level 09/12 | 徳島県：祖谷の かずら橋 |
| 四国 | Level 12/12 | 愛媛県：島波海道自行車 |
| 四国 | Level 08/12 | 愛媛県：道後溫泉 |
===================
徳島県：祖谷の かずら橋
===================
【前往蔓橋】
☞ 今朝起身慢慢行出酒店，去到JR高松駅搭特急列車大約2個鐘多嘅時間就去到JR大歩危駅。JR大歩危駅係一個係好鄉郊嘅地方，除有幾檔賣小生果嘅舖頭，基本上咩都冇。JR大歩危駅係好有特色嘅車站嚟，月台上面放咗個吊橋嘅模型嚟，係JR大歩危駅附近一個著名嘅蔓橋 (かずら橋)。
☞ 落車離開JR嘅車站就落雨，而且都唔細雨，仲要等巴士坐去蔓橋。車程幾個字就到去目的地祖谷蔓橋。一落車就行去條橋嘅位置，發覺就有堆人，全部人都係排去條橋嘅隊，而且仲微微灑住雨。
【喺條橋上原來堅會腳震】
☞ 條橋遠望就冇咩嘢，但當自己要行條橋其實都幾驚。橋行得嘅位置係由啲木橫條砌成，而啲空隙係幾闊，有一隻腳板位闊，所以行過真係驚驚地，加上啲人一路行過條橋，係一路郁，真係一步一驚心。自己行嘅時候先發覺原來唔係咁易，而靠扶手兩則去行，尤其係拎住手機或者相機更加要捉實，唔係就有機會跌落河度。
☞ 總算行完，附近都有舖頭賣嘢食，係俾大家歇吓腳。我自己都有啲餓，都叫咗碗喬麥麵，再加兩款小食，係一條燒魚串同一串類似薯仔嘅嘢食嚟。之後我再行前睇一條瀑布，叫琵琶瀑布，不過其實條瀑布我就感覺一般，冇太大特別。係因為瀑布太細，覺得似山上流水落嚟。
☞ 附近都冇特別嘢睇，係一啲山路同河流嚟。不過都可以行多陣就係落去河流嗰邊，有啲石踩住行好河流嘅中間，從下面望上返條橋，反而我覺得幾靚，又可以望更遠嘅山景地方。不過行去石頭上好都要小心啲，因為始終啲河水有時會整到舊石好洗。
【好正，車站裡面有得留言】
☞ 返到JR大歩危駅再落過雨嚟，好彩可以喺個站等車避一陣雨。車站裡面有一本紀念冊嘅嘢係可以俾遊客到訪後留言。我覺得好細心，自己都留咗言落去，而且發覺有好多西方外國人嚟過。
【去Play Park Gold Tower望夜景】
☞ 返到高松市，見仲有時間，就諗不如去一個JR宇多津駅嘅地方睇睇，因為嗰度都有個塔，上到最高可以望個丸亀市中心嘅遠景。沿途雖然地方大，不過發覺冇咩人喺條街，唔知係唔係落雨所以冇人行。嗰陣都已經五點幾，加上剛才食碗麵我又唔係太飽，所以去之前都揾啲嘢食先。發覺附近嘅街道冇咩舖頭，好空曠，而啲舖頭都係連鎖式舖頭，例如UNIQLO，青山洋服，但就係隔好遠先一間，應該係啲人揸車去，好少人好似我咁行住條路去。
☞ 食飽繼續去個塔到出發，成咗嘢都係金色，叫Play Park Gold Tower，所以望住佢嚟行都唔會盪失路。行到個塔地下係一間機舖，佢標明個塔其實係家庭式娛樂場地，仲有波波池，貼紙相機等等。入去連排隊都唔駛就可以，上到去就已經係搭頂，都有成60層高，360度望晒丸亀市 嘅外貌，不過個地方唔大，而且好快就會睇晒。
☞ 搭車去返JR高松駅，啲舖頭都收到七七八八，淨返係機舖未收就去打陣機先返酒店瞓。不過返酒店中途發覺呢幾日行得路太多，隻腳板都痛起上嚟 
❕
【INFORMATION - かずら橋】
交通:
☞JR大歩危駅 → かずら橋 [四国交通ホームページ]
☞運賃：660円
☞運行期間：４月～１１月の土曜・日曜・祝祭日 及び ４月２５日～５月６日 ７月１８日～８月３１日
http://yonkoh.co.jp/shuttle-bus.htm#TOP
祖谷の かずら橋料金:
☞大人：550円
☞小人：350円
http://miyoshinavi.jp/02miru/detail.php…
【INFORMATION - Play Park Gold Tower】
交通:
☞JR宇多津駅步行15分鐘
営業時間
☞ 10:00 - 22:00
入場料 (GOLD TOWER)
☞大人：700円
☞小人：350円
http://goldtower.co.jp/wordpress/
留言列表
