Day2【 栃木県：日光東照宮 】2015-07-05 [值得嚟嘅程度 LEVEL 9/12]
【瞓過龍唔知醒】
☞ 本來起身就去栃木縣嘅戰場之原，不過醒咗都已經九點鐘。嘩，真係第一次咁晏起身。其實之後都冇試圖過咁晏起身，一定最遲八點起身。不過呢次成九點起身，可以話唔駛去戰場之原，因為搭車都要成個幾鐘而且行戰場之原都要幾個鐘，除非我唔係呢日返香港或者會行，但夜晚機肯定唔夠時間，所以就去咗栃木縣日光市嘅東照宮。
☞ 雖說自己對歷史興趣唔大，但冇時間就去個輕鬆嘅旅程。
【古色古香嘅日光站】
☞ 起身就CHECKOUT，食埋早餐出發去JR日光站。由宇都宮站去日光站開始，無論列車定站牌都便得懷舊起嚟。
☞ 全條鐵路叫日光線，每一個站牌同列車都會係以棕色為主，車站嘅牌有別於一般JR嘅牌，望落有啲似牌坊咁。喺日光站出面望個車站，就覺得好有特別，外貌有西方外國嘅風貌。
【出發去東照宮】
☞ 去東照宮就坐架巴士去，大約三個字左右去到。架巴士都多人坐，有啲要企位添。落車好快到，行去東照宮都唔遠，中途都有唔同嘅寺， 例如日光山輪王寺。一直向前行就係東照宮，啲建築都非常金碧輝煌，而且望落去有少少似東南亞地區寺廟嘅味道同精髓。東照宮亦係被立入為使界文化遺產，而且亦都係日本日光國立公園嘅地域之一，所以真吸引唔同世界各地遊人參觀。
☞ 講真啲建築真係好靚，而且非常精緻，基本上唔係日本古代嘅風格嚟。不過太多人，整個場都係充滿遊客，而且好多無論係外國團定當地嘅人，逼滿晒東照宮嘅範圍。所以影張好嘅相都有困難，經常都會俾人懾鏡。
☞ 東照宮嘅範圍唔係好大，逗留半個鐘都可以睇晒，之後去咗日光窈大猷院同二荒山神社，都喺東照宮附近嚟。睇嘅野都唔算多，所以逗留一陣同行咗一圈就走。
【返宇都宮市同準備上飛機離開】
☞ 由於時間唔多，加上日光線嘅列車班次疏，所以要揸緊啲時間去返JR宇都宮站。去宇都宮站附近食吉野家就搭返新幹線返東京同準備去成田機場離開。
【後記】-------------------------------------------------------
☞其實呢兩日嘅日本旅程真係好急，而且機票四千幾係廉航係貴，不過自己想去真係無辦法，亦係咁，變相之後有三次都係兩日飛去日本，搞到身邊啲人話我癲。雖然係咁，但係為咗加快計劃進度，真係揮霍少少係需要，而且感覺都好特別。
====================
外部連結
====================
自己係一個普通嘅香港打工仔，趁後生三十歲前，自己無咩負擔嘅時候，訂立一個目標去，兩年時間內 (12/2014 – 12/2016) ，分開17次時間，唔識日文情況下，自己一個人遊歷日本47個都道府縣。
☞ http://blog.ulifestyle.com.hk/blogger/ao37182/?p=2922849
☞嚟關西主要地區遊覽，例如大阪，京都等地方，一定要有張周遊券旁身，咁就可以慳唔少錢！ ☞關西地區都推出好多款嘅周遊券，特別係前往京都，大阪，神戶地方，只要因應自己行程需要，再買相關記周遊券，咁可以慳唔少旅費喺交通方面。
有關各種關西地區嘅鐵路周遊券可以CLICK入去睇。
留言列表
